Traducido al Galego-Português: REDE BASCA VERMELHA

Declaraçom dos vereadores

DOCUMENTO

Reproduçom integral da declaraçom de eleitos dos concelhos de Euskal Herria aprovada na reuniom celebrada em Iruñea

Nós, presidentes de cámaras e vereadores dos territórios de Lapurdi, Zuberoa, Nafarroa, Araba, Bizkaia e Gipuzkoa, reunimo-nos hoje em Iruñea para realizarmos um acto plenamente democrático, sustentado na representaçom popular que cada quem representa e no exercício dos direitos de reuniom e liberdade de expressom. O carácter democrático deste acto nom pode ser desvirtuado pola campanha de manipulaçom que precedeu a sua convocatória e que tivo entre os seus objectivos impedir a sua celebraçom e procurar a confrontaçom entre os cidadaos e cidadás de Euskal Herria.

Desde a representaçom que detemos, desde os distintos quadros jurídico-políticos em que trabalhamos, queremos legitimamente impulsionar os relaconamentos entre os bascos e bascas dos seis territórios. Consideramos necessário ultrapassar a separaçom existente em três estruturas administrativas que impedírom o desenvolvimento integral do nosso povo para podermos defrontar com garantias os reptos que se nos colocam no século XXI.

Achamo-nos num mundo complexo submetido a factores como a globalizaçom económica, cultural, social,...; num momento de grandes mudanças e transformaçons em todos os ámbitos e perante umha Europa em construçom, com a incorporaçom de novos estados. Consideramos, portanto, imprescindível achegar a experiência dos concelhos bascos à tarefa de construirmos um novo futuro, ao serem instituiçons que sempre tivérom um importante protagonismo na vida do nosso povo.

Para além do mais, a nova etapa política que tanta esperança e ilusom tem gerado nas nossas vilas e cidades, reclama dos eleitos e elitas municipais de Euskal Herria trabalharemos as hipóteses abertas e incorporarmos o nosso fazer político diário ao intuito de construirmos um futuro de paz que aprofunde na democracia e noa liberdade do povo basco.

Por isso tudo, nós, eleitos e eleitas municipais de Euskal Herria, manifestamos a nossa vontade de configurarmos umha instituiçom nacional basca de base municipal, com os objectivos que se seguem:

1.- Afirmarmos a existência de Euskal Herria como naçom.

2.- Coadjuvarmos à estruturaçom política de Euskal Herria dando testemunho da sua territorialidade e com a pretensom de abranger num quadro comlum os e as representantes municipais dos seis territórios bascos.

Impulsionar a construçom nacional de Euskal Herria, entendida como processo dinámico e democrático e sustentado na livre participaçom e decisom de todos os cidadaos e cidadás bascas.

3.- Dada a sua caracterizaçom como instituiçom com vocaçom de permanência, está concebida para unir e aglutinar vontades e nom para se converter em qualquer outra, e atendendo ao seu ámbito nacional fomentará dinámicas políticas e coloaborará na análise e discussom da futura vertebraçom política e institucional de Euskal Herria.

A concreçom de tal vertebraçom terá de abordar-se, em todo o caso, num processo democrático com a participaçom dos bascos e bascas e desde o respeito à personalidade e regimens dos territórios bascos.

4.- Avançarmos no processo de interrelaçom construtiva entre os concelhos de todos os territórios, com umha vocaçom aberta a todos os eleitos e eleitas que desenvolvam a sua actividade na comunidade natural de Euskal Herria, possibilitando umha acçom concertada dos e das representantes municipais que permita impulsionar tods aqueles ámbitos de trabalho e colaboraçom que nos definem como comunidade política, cultural, sociológica e económica, tais como a língua, a cultura, o desporto, o ambiente, a ordenaçom do território, o desenvolvimento económico, o benestar social,...

Trataria-se, num primeiro momento, de efectuar um diagnóstico básico de Euskal Herria para, posteriormente, atender de jeito conjunto e homogéneo os problemas e reptos comuns da construçom nacional e encarreirar as propostas concretas a outros ámbitos institucionais, movimentos sociais, organizaçons, favorecendo com isso dinámicas de participaçom social.

5.- Projectarmos no ámbito internacional a existência de Euskal Herria como naçom própria e diferenciada, e a sua vontade de agir como tal na futura configuraçom europeia e nas suas instituiçons.

Iruñea, 6 de Fevreiro de 1999